28.03.2024
Սեմյոն Բաղդասարով. ԱՄՆ-ը և Թուրքիան օգտագործելու են օդուժն Ասադի դեմ
prev Նախորդ նորություն

Նորություններ գործընկերներից

Ռուսաստանի և Իրանի նավթային գործարքը չի կրելու բարտերային բնույթ

Նավթի առևտրի ոլորտում ռուս-իրանական համագործակցությունը չի կրելու բարտերային բնույթ, իսկ երկու կողմերը մինչև այս պահը գտնվում են համաձայնության քննարկման փուլում: Այդ մասին հայտարարել է Իրանի Պետական Նավթային ազգային ընկերության միջազգային կապերի վարչության ղեկավար Մոհսեն Կամսարին՝ ԻՍՆԱ-ին տված հարցազրույցում:

«Համաձայնությունը, որի շուրջ բանակցությունները մինչ այս պահը շարունակվում է, իրականացվելու է ոչ բարտերային տարբերակով: ՌԴ-ի հետ նավթի առևտրի վերաբերյալ համաձայնությունները ձեռք են բերվել, սակայն դրանք դեռևս չեն մտել իրականացման փուլ»,-նշել է Կամսարին: Նրա խոսքով, ռուսական կողմը արտահանելու է իրանական նավթը, իսկ ստացված գումարներով Իրանը կկարողանա աշխարհի տարբեր անկյուններում իրեն անհրաժեշտ ապրանքները գնել:

Մինչ այդ, Իրանի նավթի նախարար Բիժան Նամդար Զանգենեն նույնպես հերքել է, որ ՌԴ-ի հետ նավթային պայմանագիրը կրելու է բարտերային բնույթ:

Ռուսաստանի և Իրանի միջև բանակցությունները՝ ռուսական ընկերությունների կողմից Իրանի նավթի ձեռք բերման վերաբերյալ սկսվել են 2014թ.-ի սկզբից: Նախատեսվում է, որ Իրանը նավթ է արտահանելու Կասպից ծովի նավահանգիստների միջոցով: Կասպից ծովի իրանական նավահանգիստների հզորությունները թույլ են տալիս օրեկան արտահանել 500.000 բարել նավթ: Նշվում է, որ պայմանագրի արժեքը կազմելու է 10 միլիարդ դոլար:
Նարիշկինը Ղրիմի միացման մասին. Մոսկվան հետ չի կանգնի նախանշված ուղենիշից
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար