Չավարտվող ողբերգություն, որի ծանր հետևանքները դեռ երկար են իրենց զգացնել տալու. Աբրահամյան

Արցախցիների բռնի տեղահանումից հետո 1.5 ամիս է անցել, սակայն հայաստանյան տարբեր բնակավայրերում շարունակվում է շրջափակման, պատերազմի, վառելիքի պահեստի, գաղթի ճանապարհին հետևանքով զոհված/մահացած անձանց հուղարկավորման արարողությունները:

Այս մասին գրում է ԱԺ "Պատիվ ունեմ" խմբակցության քարտուղար Տիգրան Աբրահամյանը:

"Անվերջ թաղումներ, որոնք չեն շրջանցել նաև այն անձանց, ովքեր հասել են Հայաստան, սակայն իրավիճակի հետ ոչ մի կերպ չհամակերպվելով պարզապես ինֆարկտից մահացել են:

Չավարտվող ողբերգություն, որի ծանր հետևանքները դեռ երկար են իրենց զգացնել տալու", -  գրում է Տիգրան Աբրահամյանը: