Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՌԴ նախագահ Վլադիմիր Պուտինի հետ։ Այս մասին հայտնում է Anadolu գործակալությունը՝ հղում անելով X սոցիալական ցանցում Թուրքիայի նախագահի աշխատակազմի հաղորդակցության բաժնի հաղորդագրությանը։ Կողմերը քննարկել են Իսրայելի և Պաղեստինի միջև հակամարտության սրումը և տարածաշրջանում հումանիտար ճգնաժամը։ Թուրք առաջնորդը մատնանշել է «պաղեստինյան հողերի նկատմամբ դաժանության աճը» և պաղեստինցի խաղաղ բնակիչների շրջանում զոհերի թվի արագ աճը։ Թուրքիայի պետության ղեկավարն ընդգծել է, որ արևմտյան պետությունների լռությունն այն ամենի առջև, ինչ տեղի է ունենում, Գազայի հատվածում հումանիտար ճգնաժամը հասցրել է «անխուսափելի մակարդակի»։ Թուրքիայի նախագահը նաև վստահեցրել է, որ Անկարան կշարունակի գործադրել բոլոր անհրաժեշտ ջանքերը՝ տարածաշրջանում հանգստություն ապահովելու համար։
