Իսրայելի վարչապետ Բենիամին Նեթանյահուն երկուշաբթի օրը կառավարության խորհրդարանական կոալիցիայի ղեկավարին ասել է, որ մտադիր է հայտարարել դատաիրավական բարեփոխումների առաջմղումը կասեցնելու մասին։ Այս մասին հայտնում է ՏԱՍՍ-ը՝ հղում անելով իսրայելական ոչ պետական Kan ռադիոկայանին։ Նշվում է, որ վարչապետն այս մասին հայտարարել է նախարարների կաբինետում ընդգրկված կուսակցությունների խորհրդարանական խմբակցությունների ղեկավարների հետ հանդիպումից հետո։ Հիշեցնենք, Իսրայելում բողոքի ակցիաներ են ընթանում: Ընդդիմությունը պնդում է, որ այս բարեփոխումը խարխլում է պետության ժողովրդավարական հիմքերը։
