Իսրայելի և ԱՄՆ-ի համատեղ հարվածների հետևանքով Իրանում զոհերի թիվը հասել է 555-ի

Իսրայելի և ԱՄՆ-ի համատեղ հարվածների հետևանքով Իրանում զոհերի թիվը հասել է 555-ի. սպանվել է նաև Գերագույն առաջնորդ Ալի Խամենեին: Փոխադարձ ինտենսիվ հրթիռակոծությունների ֆոնին «Հեզբոլլահ» շարժումը պաշտոնապես մտել է Իսրայելի դեմ պատերազմի մեջ:

Իրանի Կարմիր մահիկի մամուլի ծառայության տվյալներով՝ ԱՄՆ-ի և Իսրայելի վերջին հարձակումներին զոհ է գնացել 555 մարդ։ Tasnim գործակալությունը փոխանցում է, որ երկրի ողջ տարածքում անդադար շարունակվում են տուժած քաղաքացիներին բժշկական օգնություն ցուցաբերելու օպերատիվ աշխատանքները։ Վերջին օրերի ընթացքում հրթիռային հարվածների է ենթարկվել իրանական 131 քաղաք, ինչը հանգեցրել է ծանր ավերածությունների և քաղաքացիական անձանց շրջանում մեծաթիվ կորուստների։

Փետրվարի 28-ից մեկնարկած լայնածավալ հարձակումների ամենացնցող հետևանքը դարձավ Իրանի Գերագույն առաջնորդ այաթոլլա Ալի Սեյեդ Խամենեիի սպանությունը։ Ի պատասխան այս գործողությունների՝ Իսլամական Հանրապետությունը պատասխան հրթիռային հարվածներ է հասցնում Իսրայելի տարածքին և տարածաշրջանում տեղակայված ամերիկյան ռազմական բազաներին։

Հակամարտության աշխարհագրությունը շարունակում է սրընթաց կերպով ընդլայնվել։ Մարտի 2-ին լիբանանյան «Հեզբոլլահ» շարժումը ևս ներքաշվել է Իսրայելի դեմ ակտիվ ռազմական գործողությունների մեջ։ Իր հերթին, իսրայելական հրամանատարությունը պաշտոնապես հայտարարել է խմբավորման դեմ նոր հարձակողական օպերացիա սկսելու մասին։