Հունիսի 12-13-ին Աստանայում նախանշված Սիրիայի հարցով հանդիպումը հետաձգվել է, քանի որ այդ երկրում հրադադարի հաստատման երաշխավոր պետություններն առաջիկա շաբաթներին փորձագետների մակարդակով խորհրդակցություններ են անցկացնելու իրենց մայրաքաղաքներում: Այս մասին ՌԻԱ Նովոստիին հայտնել է Ղազախստանի ԱԳՆ մամուլի ծառայության ղեկավար Անուար Ժայնակովը:Նրա խոսքով՝ Ռուսաստանի, Թուրքիայի եւ Իրանի ներկայացուցիչներն առաջիկա օրերին եւ շաբաթներին կշարունակեն փորձագիտական մակարդակով հանդիպումները՝ համաձայնեցնելու համար ռազմական գործողությունների դադարեցմանը վերաբերող եւ մի շարք այլ հարցեր:
