Իրանի արտաքին գործերի նախարար Մոհամադ Ջավադ Զարիֆը Մոսկվայում հայտարարել է, որ պաշտոնական Թեհրանը պատրաստ է որոշ դեպքերում Իրանի տարածքում գտնվող ռազմակայանները տրամադրել Ռուսաստանին` Մերձավոր Արևելքում ռուսական զինուժի կողմից իրականացվող գործողություններին օժանդակելու նպատակով: «Ռուսաստանը Իրանի տարածքում ռազմաբազաներ չունի: Մենք, սակայն, լավ հարաբերություններ ունենք և ժամանակ առ ժամանակ, երբ Ռուսաստանին անհրաժեշտ կլինի ահաբեկչության դեմ պայքարում օգտագործել իրանական ենթակառույցները, մենք համապատասխան որոշում կկայացնենք», - Reuters-ի Մոսկվայի թղթակցի հետ զրույցում նշել է Իրանի արտգործնախարարը: Նշենք, վերջինս Ռուսաստան է ժամանել նախագահ Հասան Ռոհանիի ղեկավարած պատվիրակության կազմում: Հիշեցնենք,2016 թվականի օգոստոսին Իրանը թույլատրել է Ռուսաստանին ինքնաթիռները տեղակայել իր ռազմաբազայում, որպեսզի այնտեղից ռուսական օդուժը կարողանա թռիչքներ կատարել դեպի Սիրիա և հարվածներ հասցնել «Իսլամական պետություն» ահաբեկչական խմբավորման դիրքերին,
