Անկարան եւ Թել Ավիվը հստակ քայլերով գնում են հարաբարությունների կարգավորման ու դիվանագիտական կապերի վերականգման ճանապարհով: Կողմերն արդեն ստորագրել են փոխադարձ դեսպանների նշանակման մասին համաձայնագրեր: Թուրքիայի արտաքին գործերի փոխնախարար Ֆերիդուսն Սինիրլիօղլուն հունիսի 28-ին ստորագրել է Իսրայելի հետ հարաբերությունների կարգավորման վերաբերյալ համաձայնագիրը: Ինչպես հայտնել է NTV-ն, վերոնշյալ փաստաթուղթը միաժամանակ ստորագրվել է նաև Թել Ավիվում` Իսրայելի ԱԳՆ գլխավոր տնօրեն Դորի Գոլդոմի կողմից: Այսպիսով համաձայնագիրը դրվելու է խորհրդարանի քննարկմանը: Համաձայնագրի ուժի մեջ մտնելու համար թուրքական կողմին հարկավոր է ստանալ օրենսդիր մարմնի հավանությունն ու նախագահի ստորագրությունը, որից հետո կլուծվի դեսպանների նշանակման հարցը, հայտնում է ՏԱՍՍ-ը: Հարաբերությունների կարգավորման մասին համաձայնագիրը նախաստորագրվեց հունիսի 27-ին: Ըստ պայմանավորվածության` Իսրայելն ընդունել է Թուրքիայի նախապայմանները հարաբերությունների կարգավորման համար: Մասնավորապես, Իսրայելը 20 մլն դոլար կվճարի 2010 թ. իսրայելյան հատուկջոկատայինների կողմից Mavi Marmara նավի գրոհի արդյունքում զոհված թուրք ակտիվիստների ընտանիքներին: Իսրայելում Թուրքիայի եւ Թուրքիայում Իսրայելի դեսպանի նշանակումը կսկսվի ընթացիկ շաբաթ, մինչ այդ կողմերը հարաբերությունների կարգավորման համաձայնագիր են ստորագրել: Թուրքիայի նախագահի մամուլի խոսնակ Իբրահիմ Կալինը տեղեկացրել է, որ այս շաբաթ կսկսենք դեսպանների նշանակման գործընթացը: Ավելի վաղ հաղորդվել էր, որ երկու երկրներում դեսպանատներն իրենց աշխատանքը կվերսկսեն «մոտ ժամանակներս»:
