Սյունիքի մարզի Որոտան գյուղից 12 տուն անցնում է Ադրբեջանին, քիչ առաջ այդ տեղեկությունը ստացա: Այս մասին լրագրողների հետ զրույցում ասաց Գորիսի քաղաքապետ Առուշ Առուշանյանը։ «Շտապ պետք է գնանք, որ հասկանանք՝ ինչ է կատարվում։ Այսպես որ գնաց, ապա ամեն օրվա վրա տեղեկություն ենք ստանում, որ թշնամին որոշում է՝ դա իր գյուղն է, իր տարածքն է, իր սեփականությունն է, և այնտեղ մարդ չկա։ Իշխանությունները երբեք էլ հետաքրքրված չեն եղել այդ գործառույթով, հետևաբար սյունեցիներս պետք է գնանք, հասկանանք՝ ինչ ենք կարողանում անել»,- ասաց նա։ Նշենք, որ այսօր առավոտյան դատարանը մերժեց Առուշ Առուշանյանի նկատմամբ կալանավորումը որպես խափանման միջոց ընտրելու վերաբերյալ միջնորդությունը։
