Պաշտոնական Բաքուն ակնկալում է՝ առաջիկա 2-3 տարվա ընթացքում ավարտին հասցնել Ադրբեջանի Հանրապետության և Ռուսաստանի Դաշնության միջև պետական սահմանի սահմանազատման գործընթացը, հայտարարել է փոխարտգործնախարար Խալաֆ Խալաֆովը: «Ռուսաստանի հետ սահմանազատման հետ կապված բանակցությունները հաջողությամբ շարունակվում են, կողմերի միջև կա լիարժեք փոխըմբռնում, արդեն շատ բան է արվել: Ակնկալվում է, որ Ռուսաստանի Դաշնության հետ սահմանի սահմանազատման գործընթացը կավարտվի 2-3 տարվա ընթացքում», - նշել է նա: 2019-ի նոյեմբերի 27-29-ը Մոսկվայում տեղի է ունեցել՝ ադրբեջանա-ռուսական սահմանազատման համատեղ հանձնաժողովի վերջին նիստը, որի ընթացքում կողմերը հաստատել են 2020 թվականի աշխատանքային պլանը:
