«Հայաստան» համահայկական հիմնադրամն այսօր Հայաստանի շտապ բժշկական օգնության ծառայության 1786 բժիշկներին, բուժքույրերին, բուժակներին, սանիտարներին, կարգավարներին ու վարորդներին տրամադրեց միանվագ ֆինանսական աջակցություն։ Ինչպես հայտնում են Հիմնադրամից, գումարը նվիրաբերել է «Տաշիր» բարեգործական հիմնադրամը։ Շտապ օգնության բժշկական ավագ, միջին, կրտսեր և օժանդակ ծառայողները ֆինանսական աջակցություն ստացան ըստ ՀՀ առողջապահության նախարարության ներկայացված ցուցակի՝ Երևան - 36 930 000 դրամ, Կոտայքի մարզ - 16 020 000 դրամ, Լոռու մարզ - 16 645 000 դրամ, Շիրակի մարզ - 13 330 000 դրամ, Արարատի մարզ - 11 740 000 դրամ, Արմավիրի մարզ - 9 795 000 դրամ, Գեղարքունիքի մարզ - 9 985 000 դրամ, Սյունիքի մարզ - 8 630 000 դրամ, Արագածոտնի մարզ - 7 960 000 դրամ, Տավուշի մարզ - 7 925 000 դրամ, Վայոց Ձորի մարզ - 4 890 000 դրամ։
