Թմրամիջոցների ապօրինի շրջանառության ծավալը Telegram-ի ալիքների տարածման լույսի ներքո աճել է: Այս մասին այսօր՝ մայիսի 18-ին, ԱԺ պաշտպանության և անվտանգության հարցերի հանձնաժողովի նիստում հայտարարեց «Քաղաքացիական պայմանագիր» խմբակցության պատգամավոր Արմեն Խաչատրյանը։ Նրա խոսքով, առկա տվյալների համաձայն՝ ներկայումս թմրամիջոցների ապօրինի շրջանառությամբ զբաղվում է մոտ 2,5 հազար հայկական Telegram ալիք։ Նա ընդգծել է, որ ստեղծված իրավիճակի լույսի ներքո անհրաժեշտ է շտապ միջոցներ ձեռնարկել։ Խաչատրյանը չբացառեց այս խնդրի լուծման համար օրենսդրական որոշակի փոփոխությունների ընդունումը։
