Չինաստանը հավանություն չի տալիս Ռուսաստանի Դաշնության դեմ պատժամիջոցների կիրառմանը, հատկապես միակողմանի, և մտադիր չէ միանալ նման սահմանափակումներին։ Այս մասին չորեքշաբթի մամուլի ասուլիսի ժամանակ հայտարարել է ՉԺՀ-ի բանկային և ապահովագրական գործունեության վերահսկման պետական կոմիտեի ղեկավար Գո Շուցինը, փոխանցում է ՏԱՍՍ-ը։ «Ինչ վերաբերում է ֆինանսական պատժամիջոցներին, ապա մենք դրանք հավանություն չենք տալիս, մենք հատկապես հավանություն չենք տալիս միակողմանի կիրառվող պատժամիջոցներին»,- ասաց նա։ «Մենք չենք միանա նման պատժամիջոցներին: Բացի այդ, մենք կշարունակենք պահպանել նորմալ առևտրային, տնտեսական և ֆինանսական փոխանակումները համապատասխան կողմերի հետ»,- ասել է Գո Շուցինը:
