Ալեսանդրո Սաֆինայի՝ տարվա ամենառոմանտիկ երեկոն «Դվին Մյուզիք Հոլ»-ում տեղի կունենա փետրվարի 15-ին, ժամը 20:00-ին` Հայաստանի պետական սիմֆոնիկ նվագախմբի ուղեկցությամբ, դիրիժոր` Նիկոլա Սիմոնի: Ծրագրում կհնչեն հայտնի հիթեր՝ Էնիո Մորիկոնե, Նինո Ռոտա, Չարլի Չապլինի «Սմայլ», Շարլ Ազնավուր, երգեր սիրված ֆիլմերից և հոլիվուդյան մյուզիքլներից, ինչպես նաև երգչի բազմամիլիոնանոց երկրպագուների սիրելի Luna Tu-ն` հայտնի «Կլոն» հեռուստասերիալից: Համերգային ծրագրում կհնչեն նաև դուետներ ազգային ակադեմիական թատրոնի մեներգչուհի Սիրանուշ Գասպարյանի հետ, իսկ համերգից առաջ հյուրերը կունկնդրեն սիրված ջազ դաշնակահար Վահագն Հայրապետյանին` իր ջազ տրիոյի հետ միասին: «CNN» ամերիկյան հեռուստաընկերությունը Ալեսանդրո Սաֆինային ճանաչել է աշխարհի փոփ-օպերային թատրոնի երեք խոշորագույն տենորներից մեկը, իսկ «People» ամսագիրը շնորհել է նրան մոլորակի ամենահմայիչ տղամարդու տիտղոսը: Սաֆինան հանդես է եկել երաժշտական զուգերգերով և թողարկել է ձայնագրություններ Էլթոն Ջոնի, Ռոդ Ստյուարտի, Մարիոս Ֆրանգուլիսի, Սումի Յոյի, Սառա Բրայթմանի, Անդրեա Բոչելիի, Խոսե Կարերասի, Բարբարա Հենդրիքսի և այլոց հետ: Սաֆինան համարվում է Անգլիայի թագուհի Եղիսաբեթ II-ի սիրելին, նրա ելույթները մշտապես զարդարում են այլ բարձրաշխարհիկ հանդիսությունները. Հռոմի Պապ Հովհաննես Պողոս II-ի և Մոնակոյի արքայազն Ռենիեյի հրավերներով, այլոց թվում: Երեկոյի բոլոր հյուրերի համար հատուկ անակնկալներ է պատրաստել համերգի գլխավոր հովանավոր «Sonati» Art made textile լյուքս դասի անկողնային պարագաների և տնային հագուստի հայկական ընկերությունը։ Դրես կոդ. կանայք` երեկոյան զգեստ, տղամարդիկ` դասական կոստյում: Համերգի տոմսերը կարելի է ձեռք բերել զանգահարելով 044470024//077805687// 099955225 հեռախոսահամարներին, ինչպես նաև Ticketon.am և Toms.am կայքերի միջոցով: