Հայաստանում Ռուսաստանի սահմանապահ զորքերի ջոկատները հայ-թուրքական սահմանի սահմանային կետերի մոդեռնիզացման աշխատանքներ են իրականացնում: Այս մասին հայտնում է Ռուսաստանի Դաշնային անվտանգության ծառայության սահմանապահ վարչության մամուլի ծառայությունը: «Սահմանային որոշ կետերում՝ հայ թուրքական սահմանի տարբեր հատվածներում, աշխատանքներ են իրականացվում հին տեխնիկայի փոխարինման ուղղությամբ», - նշված է տարածված հաղորդագրության մեջ: Հավելում կա այն մասին, որ սահմանային կետերի մոդեռնիզացիան իրականացվում է սահմանի անվտանգություն ավելի արդյունավետ ապահովելու նպատակով: Մեկ ամիս առաջ հայտնի էր դարձել, որ Թուրքիան արդեն սկսել է փորձարկել Հայաստանի հետ սահմանի՝ Կարսի հատվածում տեղադրված տեսանկարահանման-վերահսկման համակարգը:
