Բելառուսի նախագահ Ալեքսանդր Լուկաշենկոն ստորագրել է Եվրասիական տնտեսական միության Մաքսային օրենսգրքի պայմանագիրը վավերացնելու օրենքը: Այս մասին գրում է rueconomics.ru–ն: Հաղորդվում է, որ ԵԱՏՄ երկրների մաքսային օրենսգիրքն ուժի մեջ կմտնի 2018 թվականի հունվարի 1-ից: Դրա նպատակը եվրասիական երկրների միջև միասնական մաքսային կարգավորումներ ապահովելն է: Նախատեսված է մաքսային գործարքների օպտիմալացում, մաքսային կանոնների հետագա ազատականացում, արտաքին տնտեսական գործունեության պայմանների բարելավում, այդ թվում արտահանման խթանում: Հիշեցնենք, որ ՌԴ նախագահ Վլադիմիր Պուտինը վավերացրել է այդ պայմանագիրը նոյեմբերի 14-ին: