Հայաստանը Վիկտոր Բիյագովին հետ է կանչել ՀԱՊԿ-ում Հայաստանի մշտական և լիազոր ներկայացուցչի պաշտոնից: Ինչպես հայտնում են ՀՀ նախագահի մամուլի ծառայությունից, ՀՀ նախագահ Վահագն Խաչատուրյանը հրամանագիր է ստորագրել Վիկտոր Բիյագովին ՀԱՊԿ-ում Հայաստանի Հանրապետության մշտական և լիազոր ներկայացուցչի պաշտոնից հետ կանչելու մասին: Վարչապետ Նիկոլ Փաշինյանի առաջարկությամբ և նախագահ Վահագն Խաչատուրյանի հրամանագրով Վիկտոր Բիյագովը նշանակվել է քիմիական զենքի արգելման կազմակերպությունում ՀՀ մշտական ներկայացուցիչ և Նիդերլանդների Թագավորությունում Հայաստանի Հանրապետության արտակարգ և լիազոր դեսպան (նստավայրը ՝ Հաագա): Իսկ Նիդերլանդներում ՀՀ արդեն նախկին դեսպան Տիգրան Բալայանը նշանակվել է Բելգիայում Հայաստանի դեսպան և Եվրոպական Միությունում Հայաստանի ներկայացուցչության ղեկավար։
