Աշխարհաքաղաքական զարգացումները չեն կարող ստվերել հայ և ռուս ժողովուրդների բարեկամությունը

«Համահայկական ճակատ» շարժման առաջնորդ, պաշտպանության նախկին նախարար գեներալ-մայոր Արշակ Կարապետյանը շնորհավորել է Հայաստանի Հանրապետության եվ Ռուսաստանի Դաշնության միջեվ դիվանագիտական հարաբերությունների հաստատման 32-րդ տարեդարձի առթիվ, որը կնքվել է 1992թ․ ապրիլի 3-ին։

"Երկու անկախ պետությունները շարունակողն են դարձել հայ-ռուսական հարաբերությունների դարավոր բարեկամության, որն ունի դարերի պատմություն եվ սկիզբ է առնում Վլադիմիր Մեծի օրերից՝ դեռ Կիևյան Ռուսիայի ժամանակներից։ Մեր դարավոր բարեկամությունը նախ խարսխված է քրիստոնեական հավատքով, ապա պատմամշակութային հարուստ ժառանգությամբ նաև ռազմաքաղաքական բարեկամությամբ։

Մենք երբեք չենք մոռանում, որ միայն ռուս զինորն է կռվել հայ ժողովրդի կողքին, իսկ հայ զինվորի փառքը բարձր է գնահատվել, թե ռուսական կայսրության եվ թե խորհրդային միության տարիներին։ Եթե անգամ այսօր հայ-ռուսական հարաբերությունները բարդ ժամանակներ են ապրում, երբեք աշխարհաքաղաքական զարգացումները չեն կարող ստվեր գցել երկու ժողովուրդների բարեկամական վերաբերմունքի վրա։

Մենք հզոր ենք միասին, որը կենսական կարեվորություն ունի հայ ժողովրդի համար։ Մաղթում եմ բոլորիս, բարեկեցություն եվ խաղաղության վերահաստատում",- ասված է հայտարարության մեջ։