Լավրովն ու Ֆիդանը քննարկել են իրավիճակը Հարավային Կովկասում

Ռուսաստանի արտգործնախարար Սերգեյ Լավրովն ու Թուրքիայի արտգործնախարար Հաքան Ֆիդանը քննարկել են երկկողմ համագործակցությանն առնչվող հարցեր և տարբեր մակարդակներում առաջիկա շփումների ժամանակացույցը: Այս մասին ասվում է ՌԴ ԱԳՆ հաղորդագրության մեջ ՝ նախարարների հեռախոսազրույցի արդյունքներով։

"Անդրադարձ է կատարվել ռուս-թուրքական համագործակցության առանձին ասպեկտներին, ինչպես նաև տարբեր մակարդակներում առաջիկա շփումների ժամանակացույցին", - տեղեկացրել են գերատեսչությունում:

ՌԴ ԱԳՆ-ում նաեւ նշել են, որ մարտի 1-ին Անթալիայի դիվանագիտական ֆորումի շրջանակներում բանակցությունների զարգացման նպատակով նախարարները քննարկել են տարածաշրջանային օրակարգի արդիական հարցեր՝ շեշտը դնելով Սեւծովյան տարածաշրջանում, ինչպես նաեւ Հարավային Կովկասում տիրող իրավիճակի վրա, այդ թվում՝ "3+3"տարածաշրջանային պլատֆորմի գործունեության զարգացման համատեքստում: