Ամեն օր Թուրքիայում կոալիցիոն կառավարություն կազմելու հնարավորությունները նվազում են: Այդ մասին հայտարարել է Թուրքիայի նախագահ Ռեջեփ Թայիփ Էրդողանը: Փոխանցում են թուրքական ԶԼՄ-ները: Նրա խոսքով, չի բացառվում, որ Թուրքիայում կարող են անցկացվել արտահերթ խորհրդարանական ընտրություններ: Մինչ այդ, Թուրքիայի փոխվարչապետ Յալչին Աքդողանը հայտարարել էր, որ Ժողովրդա-հանրապետական կուսակցությունը՝ խորհդարանում ներկայացված մյուս կուսակցություններից ավելի մոտ է կոալիցիա կազմելուն: Ինչպես մինչ այդ հայտարարել էր Թուրքիայի վարչապետ Ահմեդ Դավութօղլուն Ազգային շարժում կուսակցությունը հրաժարվել է կոալիցիոն կառավարություն ձևավորելուց:
