ՊՆ-ն հերքում է Ադրբեջանի տարածած տեղեկությունները. հայկական կողմը Տավուշից չի կրակել

Հայկական կողմը կրակոցներ չի արձակել ադրբեջանական դիրքերի ուղղությամբ։ Sputnik Արմենիայի հետ զրույցում պաշտպանության նախարարությունը հերքեց Ադրբեջանի տարածած տեղեկությունները։

«Ադրբեջանի ՊՆ տարածած հաղորդագրությունն իրականությանը չի համապատասպանում»,- շեշտեցին ՀՀ պաշտպանական գերատեսչությունից։

Նշենք, որ Ադրբեջանի պաշտպանության նախարարությունը հայտնել էր Հայաստանի հետ սահմանին հերթական փոխհրաձգության մասին: Մասնավորապես, հաղորդագրության մեջ նշվում էր, թե ՀՀ ԶՈւ ստորաբաժանումները գնդակոծել են Թովուզի ուղղությամբ տեղակայված ադրբեջանական դիրքերը:

Հիշեցնենք, որ այսօր առավոտյան ՀՀ պաշտպանության նախարարությունը տեղեկացրեց, որ երեկ` նոյեմբերի 17-ի ուշ երեկոյան, ադրբեջանական ԶՈւ ստորաբաժանումներն անկանոն կրակ են բացել Տավուշի մարզի հայ-ադրբեջանական սահմանի որոշ ուղղություններով։

Պաշտպանության նախարարությունից տեղեկացնում են, որ պատասխան գործողություններով հակառակորդի կրակը լռեցվել է։