19.03.2024
Ամերիկյան կենսալաբորատորիաների անվտանգությունը Ուկրաինայում և Վրաստանում մտահոգիչ է
prev Նախորդ նորություն

Նորություններ գործընկերներից

Սադրիչ հայտարարությունները, հրահրող հռետորաբանությունը խափանում են գործընթացը. ԵԱՀԿ ՄԽ

ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Էնդրյու Շոֆերը (ԱՄՆ) հունիսի 29-30-ն առանձին-առանձին և համատեղ հանդիպումներ են ունեցել տեսակապով Հայաստանի և Ադրբեջանի արտգործնախարարներ Զոհրաբ Մնացականյանի և Էլմար Մամեդյարովի հետ՝ քննարկելով տարածաշրջանում հանրային առողջապահության հետ կապված իրադրությունը, ԼՂ հակամարտության ներկայիս դինամիկան և խաղաղ կարգավորման գործընթացի հաջորդ քայլերը: Քննարկումներին մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը:


Ինչպես հայտնում է «Ամերիկայի ձայնը», համանախագահներն ընդգծել են խաղաղությանը նպաստող և առարկայական բանակցությունների համար բարենպաստ մթնոլորտի պահպանման և առաջխաղացման կարևորությունը: Նրանք դրական են գնահատել հարաբերական կայունությունը և գոհունակություն են հայտնել, որ կողմերը շարունակում են օգտագործել հաղորդակցման գործող ուղիղ խողովակները՝ լարվածությունից խուսափելու համար: Վերահաստատելով 2019 թվականի մարտի 9-ի իրենց հայտարարությունը՝ այնուամենայնիվ, համանախագահները մտահոգությամբ նկատել են, որ վերջերս հնչող սադրիչ հայտարարությունները, հրահրող հռետորաբանությունը և տեղում իրավիճակը փոխելուն ուղղված հնարավոր քայլերը կարող են խափանել կարգավորման գործընթացը:


Համանախագահները շեշտել են, որ հակամարտությունը չունի ռազմական որևէ լուծում: Նրանք կոչ են արել կողմերին հավելյալ քայլեր ձեռնարկել՝ հրադադարն ամրապնդելու և բնակչությանը խաղաղության նախապատրաստելու համար: Համանախագահները նաև ընդգծել են ԵԱՀԿ գործող նախագահի անձնական ներկայացուցչի հովանու ներքո մոնիթորինգային գործողությունների վերսկսման հրատապությունը, երբ պայմանները դա թույլ տան:


Համանախագահները և արտգործնախարարները պայմանավորվել են ևս մեկ համատեղ տեսակոնֆերանս անցկացնել հուլիսին և հանդիպել անձամբ, երբ դա հնարավոր լինի իրականացնել:


 


 

Վրաստանը համաձայնեցրել է ՀՀ-ից իր տարածքով ռուսաստանցիների վերադարձի հարցը
Հաջորդ նորություն next