Սուպերնախարար Գագիկ Խաչատրյանը վերադարձվեց քրեակատարողական հիմնարկ

Ֆինանսների նախկին նախարար, ՊԵԿ նախկին նախագահ Գագիկ Խաչատրյանը տեղափոխվել է «Երևան ֊Կենտրոն» քրեակատարողական հիմնարկ։

Հիշեցնենք, Գագիկ Խաչատրյանը «Սուրբ Գրիգոր Լուսավորիչ» ԲԿ էր տեղափոխվել հոկտեմբերի 10-ին՝ հետազոտման համար: Չորս օր անց՝ հոկտեմբերի 14-ին, նրան վերադարձրեցին «Երևան֊Կենտրոն» ՔԿՀ:

Ազգային անվտանգության ծառայությունը Գագիկ Խաչատրյանին և նրա եղբորորդուն՝ ՊԵԿ նախկին պաշտոնյա Կարեն Խաչատրյանին ձերբակալել է օգոստոսի 27-ին, երեք օր անց նախկին պաշտոնյաները կալանավորվել են։

Խաչատրյանին մեղադրանք է առաջադրվել պաշտոնեական դիրքի չարաշահման և առանձնապես խոշոր չափերի վատնման համար։ Պաշտպանական կողմն այս ընթացքում բազմիցս պնդել է, որ Խաչատրյանը լուրջ առողջական խնդիրներ ունի: