Պաղեստինը կիսում է Ադրբեջանի դիրքորոշումը. ԱԳՆ

Պաղեստինը կիսում է Ադրբեջանի դիրքորոշումը ղարաբաղյան հակամարտության կարգավորման հարցում: Այս մասին Բաքվում հայտարարել է Պաղեստինի արտաքին գործերի նախարար Ռիյադ ալ-Մալիկին:

Minval.az հաղորդմամբ, նա նշել է, որ Պաղեստինը հանդիսանում է միջազգային օրենքների կատարման կողմնակից: 

«Կարծում ենք, որ միջազգային հանրության լավագույն աջակցությունն է միջազգային օրենքների կատարումը և ՄԱԿ Անվտանգության խորհրդի ընդունած բանաձևերի կյանքի կոչումը», — հավելել է նա:

Նշենք, որ Պաղեստինի հակահայ դիրքորոշումը բոլորովին նորություն չէ: Պաղեստինը բազմիցս է հայտարարել, որ չի ճանաչում Լեռնային Ղարաբաղը և այդտեղ անցկացվող որևէ ընտրության արդյունքներ: