Երևանը ռուսաստանցի զբոսաշրջիկների ամառային հանգստի նախընտրած քաղաքների 5-յակում է

Tvil.ru զբոսաշրջային ծառայությունը պարզել է, թե ԱՊՀ որ քաղաքներն են առավել պահանջված ռուսաստանցի զբոսաշրջիկների շրջանում ամառային ամիսներին: Վարկանիշը կազմվել է 2018-ի հունիսի 1-ից օգոստոսի 31-ը կացարանների հարցումների և ամրագրումների տվյալների վերլուծության հիման վրա:

Երևանն այս ամառ առաջատարների թվում է ԱՊՀ-ում էքսկուրսիոն և մշակութային հանգստի համար: Առաջին 5-յակում են ընդգրկվել Աստանան, Մինսկը, Ալմաթին, Բաքուն և Երևանը:

Ըստ Tvil.ru-ի, զբոսաշրջիկներն ամրագրում են ամառային ուղևորությունները դեպի Երևան միջինը 4,5 օրով:
Ըստ հարցման արդյունքների, Երևանը գրավում է զբոսաշրջիկներին ճարտարապետությամբ և ուտեստներով, էքսկուրսիաներով և թանգարաններով: