Քաղաքագետ. Փաշինյանի ընտրությունն արագ չի բարելավի քաղաքացիների կյանքի մակարդակը

ՀՀ–ում ստեղծված իրավիճակի ամենաօպտիմալ հանգուցալուծումն ենթադրում էր արագ, արտահերթ ընտրությունների անցկացում, իսկ մինչ այդ պայմանավորվածություններ անցումային շրջանի համար։ Այդ մասին հայտարարել է քաղաքագետ Գլեբ Կուզնեցովը, փոխանցում է vedomosti.ru–ն։

Նա նշել է, որ ՀՀ–ում տեղի ունեցող զարգացումները նման են կոլեկտիվ խելագարության` մարդիկ այնքան են հոգնել աղքատությունից ու անհեռանկար իրավիճակից, որ չեն կարող սթափ գնահատել վիճակը։ Ըստ նրա, նրանք սպաում են կտրուկ և արագ կյանքի որակի բարելավում` Փաշինյանի ընտրությունը դա չի բերելու։

Ըստ նրա, հայ հասարակությունում մեծ է սոցիալ–տնտեսական արագ բարեփոխումների սպասումը, սակայն ցանկացած հեղափոխություն հարվածում է առաջին հերթին տնտեսությանը։