ՌԴ-ն կդիմի ՀՀ-ին՝ ՀԱՊԿ-ում մասնակցությունը սառեցնելու մասին Փաշինյանի խոսքերի պատճառով

Հայաստանը պաշտոնական գործողություններ չի ձեռնարկել ՀԱՊԿ-ին մասնակցությունը դադարեցնելու մասին հայտարարություններից հետո, Կրեմլը մտադիր է կապ հաստատել հայ գործընկերների հետ՝ այդ հայտարարությունները ճշտելու և մանրամասները հասկանալու համար. այս մասին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ՀՀ վարչապետ Նիկոլ Փաշինյանի հայտարարությունը:

«Այստեղ շատ կարևոր է մանրամասները հասկանալը, և մենք հույս ունենք, որ մեր հայ ընկերները մեզ ամեն ինչ կպարզաբանեն»,- ասել է Պեսկովը «Զվեզդա» հեռուստաալիքին։