Արարատ Միրզոյանն ու Հոսեյն Ամիր Աբդոլլահիանը քննարկել են տարածաշրջանային հարցեր

Հայաստանի արտգործնախարար Արարատ Միրզոյանը Թեհրանում հանդիպել է իր իրանցի գործընկեր Հոսեյն Ամիր Աբդոլլահիանի հետ։

IRNA գործակալությունից հայտնում են, որ Իրանի ԱԳ նախարարը Միրզոյանին դիմավորել է երկրի արտաքին գերատեսչության շենքում։

Ողջույնի արարողությունից հետո կողմերը սկսել են երկկողմ բանակցությունները, որտեղ քննարկվել են համագործակցության զարգացումը, ինչպես նաև տարածաշրջանային ու միջազգային արդիական հարցեր։

Նշվում է, որ հանդիպումից հետո Իրանի և Հայաստանի արտգործնախարարները կմասնակցեն համատեղ մամուլի ասուլիսին։