«Այսօր մենք միանում ենք հայերին` սգալով և տուրք մատուցելով 1988թ․ Սումգայիթում զոհ գնացածների հիշատակին»: Այս գրառումն այսօր արել է Հայաստանում ԱՄՆ դեսպանատունը: Հիշեցնեմ, որ նախօրեին գրառում էի արել այսպես կոչված «Խոջալուի դեպքերի» հետ կապված՝ Բաքվում ԱՄՆ դեսպանության գրառման առնչությամբ, հարցադրում անելով, թե արդյո՞ք Հայաստանում ԱՄՆ դեսպանատունն էլ հիշատակում է Ադրբեջանում հայերի հանդեպ բռնությունները: Նահանգների դեսպանատունն այսօր հիշատակել է Սումգայիթի ջարդը, ինչը ողջունելի է: Իհարկե հարկ եմ համարում նկատել, որ ի տարբերություն Ադրբեջանում ԱՄՆ դեսպանության՝ Խաջալուի վերաբերյալ գրառման, Հայաստանում ԱՄՆ դեսպանության գրառումը թե ծավալով, թե ձեւակերպումներով՝ նկատելի «համեստ» է: Վերլուծաբան Հակոբ Բադալյան
