Իրանը ողջունում է Ֆրանսիայի հետ կապերի զարգացումը բոլոր ուղղություններով. Ռաիսի

Իրանը ողջունում է Ֆրանսիայի հետ հարաբերությունների զարգացումը բոլոր ուղղություններով, մասնավորապես առեւտրատնտեսական ոլորտում։ Այս մասին հայտարարել է Իրանի նախագահ Էբրահիմ Ռաիսին իր ֆրանսիացի գործընկեր Էմանուել Մակրոնի հետ հեռախոսազրույցի ժամանակ, փոխանցում է Trend-ը։

Ողջունելով երկու երկրների միջեւ հարաբերությունները վերանայելու և երկկողմ հարաբերություններում Թեհրանի ու Փարիզի միջև տարածաշրջանային համագործակցության նոր էջ սկսելու Ֆրանսիայի նախագահի առաջարկը՝ Ռաիսին նշել է, որ Իրանի կառավարությունը ողջունում է Ֆրանսիայի հետ հարաբերությունների զարգացումը, հատկապես առեւտրատնտեսական ոլորտում:

Նա հայտարարել է Ֆրանսիայի միջոցով Եվրոպայի հետ համակողմանի համագործակցություն սկսելու պատրաստակամության մասին:

«Անշուշտ, Իրանի և Ֆրանսիայի քաղաքական անկախությունն արժեքավոր ռեսուրս է երկու երկրների միջև հավասարակշռված, ամուր ու կայուն հարաբերությունների հաստատման համար, եւ մեր ընդհանուր հետաքրքրությունը կայանում է այդ հարաբերություններում արտաքին գործոնների միջամտության կանխման մեջ։ Իրանի միջուկային գործարքի վերսկսման շուրջ բանակցությունները պետք է հանգեցնեն Իսլամական Հանրապետության նկատմամբ տնտեսական պատժամիջոցների չեղարկմանը», - հայտարարել է Իրանի նախագահը։