Տարածաշրջան

Շաբ
25
Feb

ՀՀ ԱԳՆ-ն տեղեկացրել է ԵԱՀԿ Մինսկի խմբին Ադրբեջանի հարձակման փորձի մասին

Ադրբեջանի հարձակման փորձի մասին տեղյակ են պահվել ԵԱՀԿ Մինսկի խմբի համանախագահ երկրները։ Այս մասին տեղեկացրել է ՀՀ արտաքին գործերի նախարարության խոսնակ Տիգրան Բալայանը:

Ավելի վաղ տեղեկացրել էինք, որ ադրբեջանական կողմը փետրվարի 24-ի լույս 25-ի գիշերը հերթական հարձակումը կատարելով Արցախի Հանրապետության առաջապահ զորքերի վրա կորուստներ է կրել և հետ շպրտվել: Արդեն մի քանի օր շարունակ Ադրբեջանի ռազմաքաղաքական ղեկավարությունը լարում էր իրավիճակը շփման գծում և ապատեղեկատվություն տարածում:

Շաբ
25
Feb

ՊՆ. Ադրբեջանը կորցրել է մինչեւ 7 զինվոր (տեսանյութ)

ՀՀ պաշտպանության նախարարի մամուլի խոսնակ Արծրուն Հովհաննիսյանը քիչ առաջ հայտնել է, որ այս պահին իրավիճակը հայ-ադրբեջանական սահմանին հանդարտ է։

«Հակառակորդը կրել է շուրջ 7 զինծառայողի կորուստ։ ՀՀ Զինված ուժերի կողմից իրականցվում են որոնողական-մաքրման աշխատանքներ։ Հայկական կողմում վիրավորներ չկան»,- ասել է խոսնակը: Նա նկատել է, որ նման իրավիճակում դիրքերի կորստի մասին խոսելն ու այլ ապատեղեկատվություն տարածելը տեղին չէ:

Շաբ
25
Feb

Ինչպե՞ս են արձագանքել Ադրբեջանում շփման գծում մարտական գործողություններին

Փետրվարի 25-ի ժամը 13։30-ի դրությամբ ադրբեջանական սոցցանցերում դեռևս շարունակում են գրել սահմանում լարվածության մասին։ Այդ երկրի ՊՆ-ն իր վերահսկողության գոտում գտնվող խմբերի միջոցով զգուշացնում է, որ «ավելորդ» տեղեկություններ չտարածեն, բայց մեկնաբանություններ կան, որ իրենք միայն միջդիրքային գոտում առնվազն 7-16 դիակ են թողել, այդ թվում՝ սպաներ։ Կան տեղեկություններ, որ կորուստները անհամեմատ ավելի շատ են, գրում է Razm.info-ն:

Շաբ
25
Feb

Reuters: ԱՄՆ-ում հետաձգել են Իրանի դեմ նոր պատժամիջոցների կիրառման փաթեթը

ԱՄՆ‐ում անհայտ ժամանակով կասեցվել են իրանական Իսլամական հեղափոխության պաշտպանների կորպուսին ﴾ԻՀՊԿ﴿ ահաբեկչական կազմակերպությունների շարքին դասելու վերաբերյալ քննարկումները եւ նոր պատժամիջոցներ սահմանելու հեռանկարը, հաղորդում է «Reuters»‐ը։

Ավելի վաղ, ԱՄՆ նախագահ Դոնալդ Թրամփը քննադատել էր «Հետաքննությունների դաշնային բյուրոյին», որ նա չի կարողանում գտնել նրանց, ովքեր տեղեկությունները հաղորդում են մամուլին։

Շաբ
25
Feb

Ադամ Շիֆ. Պետք է մեծացնել ճնշումները Ադրբեջանի վրա` հակահայկական դրսևորումները նվազեցնելու համար

Հրադադարի խախտման բոլոր դեպքերն անթույլատրելի են։ Այս մասին «Ամերիկայի ձայն» ռադիոկայանի հետ զրույցում հայտարարել է կոնգրեսական Ադամ Շիֆը:

Նա կոչ է արել ԱՄՆ վարչակազմին ավելացնել ճնշումը Ադրբեջանի նկատմամբ.

«Պետք է մեծացնել ճնշումները Ադրբեջանի վրա` հակահայկական դրսևորումները նվազեցնելու համար»: Կոնգրեսականը նաև նշել է, որ կողմ է, որպեսզի շփման գծի ողջ երկայնքով միջադեպերի հետաքննության մոնիթորինգային սարքեր տեղադրվեն:

Ուրբ
24
Feb

Կարեն Կարապետյան. Վերին Լարսին այլընտրանք կլինի

ՀՀ վարչապետ Կարեն Կարապետյանը, ով պաշտոնական այցով գտնվում է Վրաստանում, հայտարարել է, որ վրաց գործընկերոջ հետ պայմանավորվել է Վերին Լարսի այլընտրանքի հարցում:

«Եթե ձեզ հետաքրքրում է` լինելո՞ւ է, արդյոք, այլընտրանք Լարսին, ապա կարող եմ հավաստիացնել, որ լինելու է: Մնացածի մասով դեռ փակագծերը չեմ բացի»,- լրագրողների հետ ճեպազրույցում ասել է Կարապետյանը` ընդգծելով, որ վրացական կողմի հետ համաձայնության են եկել ինչպես Լարսի, այնպես էլ էներգետիկ միջանցքի հարցում:

Ուրբ
24
Feb

Սպառազինությունների մրցավազք. Հայաստանը ադրբեջանական «քանակին» կպատասխանի որակով

ՀՀ–ի կառավարությունը հասկացել է, որ պարտվել է սպառազինությունների մրցավազքում Ադրբեջանին և նրանք ստիպված կլինեն վերադարձնել Լեռնային Ղարաբաղը։ Այդ մասին Echo.az–ին հայտնել է ռազմական փորձագետ Ուզեիր Ջաֆարովը։

Ուրբ
24
Feb

Թուրքիան անհանգստացած է Սիրիայի տարածքում Իրանի զինվորականների ներկայության կապակցությամբ

Թուրքիան անհանգստացած է Սիրիայի տարածքում Իրանի զինվորականների ներկայության կապակցությամբ, չնայած նրանք այնտեղ են գտնվում տեղի իշխանությունների հրավերով: Ինչպես հաղորդում է haqqin.az-ը, այս մասին հայտարարել է Թուրքիայի նախագահի մամուլի քարտուղար Իբրահիմ Քալընը:

Նա միևնույն ժամանակ ընդգծել է, որ Իրանը Թուրքիայի կարևոր հարևանն է, բայց Անկարան մտադիր չէ անտեսել տարածաշրջանում իր հեղինակությունն ամրապնդելու Իրանի ձգտմանը:

Ուրբ
24
Feb

Թուրքիան չի պատրաստվում ուժով հեռացնել Բաշար Ալ-Ասադին. Էրդողանի խորհրդական

Թուրքիայի նախագահի խորհրդական Իլնուր Չևիկը

Թուրքիան չի նախատեսում համագործակցել Սիրիայի նախագահ Բաշար Ալ-Ասադի հետ, միևնույն ժամանակ չի պատրաստվում ուժով հեռացնել նրան իշխանությունից: Այս մասին RT-ին տված հարցազրույցի ժամանակ հայտարարել է Թուրքիայի նախագահի խորհրդական Իլնուր Չևիկը:

«Թուրքիան չի պատրաստվում առճակատման գնալ և ուժով հեռացնել Ասադին: Ահա թե ինչու են Թուրքիան, Ռուսաստանը և Իրանը համատեղ բանակցություններ են անցկացնում Աստանայում: Չեմ կարծում, որ Ասադի հանդեպ ուժի կիրառումը այժմ օրակարգում է»,-ասել է նա:

Ուրբ
24
Feb

Թբիլիսին ռացիոնալացնում է իր հարաբերությունները Մոսկվայի հետ. Մարգվելաշվիլի

Վրաստանը սկսել Է ռացիոնալ հարաբերությունների ռազմավարություն իրականացնել Ռուսաստանի հետ երկու երկրների երխոսության մեջ լարվածությունը հաղթահարելու համար: Ինչպես հաղորդում է TASS գործակալությունը, այս մասին «Բելառուս 1» հեռուստաալիքին տված հարցազրույցի ժամանակ հայտարարել Է Վրաստանի նախագահ Գեորգի Մարգվելաշվիլին, որը պլանավորում Է մոտ ժամանակներս պաշտոնական այցով ժամանել Բելառուս:

Էջեր

Subscribe to RSS - Տարածաշրջան