Հայաստան

Ուրբ
20
Jan

Օսկանյան. Չի բացառվում, որ կմիանանք «Ծառուկյան դաշինքին»

«Համախմբում» կուսակցության նախագահ Վարդան Օսկանյանը չի բացառում, որ «Համախմբում», «Երրորդ Հանրապետություն» ու Դեմոկրատական կուսակցությունների ձևավորած դաշինքը միանա «Ծառուկյան դաշինքին»: Այս մասին «Ազատության» եթերում հայտարարել է Վարդան Օսկանյանը:

«Ես հայտարարում եմ, որ մենք ոչինչ չենք բացառում, մի բացառություն կա՝ գործող իշխանության հետ որևէ գործ չենք ուզում ունենալ ոչ հիմա, ոչ ապագայում», –ասել է նա:

Ուրբ
20
Jan

Նավասարդյան. Ռուսական կողմի վերջին հայտարարությունները ուղղված են սթափեցնելու Ալիևին

Ռուսաստանը փորձում է դիվանագիտության մեջ տոնայնությունը պահել և որոշ դեպքերում հարվածին ուժեղ հակահարված է տալիս: Այս մասին լրագրողների հետ հանդիպմանն այսօր հայտարարել է Արտակարգ և լիազոր դեսպան Արման Նավասարդյանը՝ մեկնաբանելով ՌԴ արտաքին գործերի նախարար Սերգեյ Լավրովի հայտարարությունն այն մասին, թե «Լեռնային Ղարաբաղի հակամարտությունն Ադրբեջանի ներքին խնդիրը չէ»:

Ուրբ
20
Jan

Մամուլի տեսություն. Սերժ Սարգսյանը դժգոհել է իր թիմից եւ դեմ խոսել Գագիկ Ծառուկյանի վերադարձին

ՀՀ նախագահ Սերժ Սարգսյան եւ վարչապետ Կարեն Կարապետյանը

VERELQ-ը ներկայացնում է հայաստանյան մամուլի այսօրվա ամենաուշագրավ հրապարակումները:

«Հրապարակ» թերթը գրում է. «Իշխանությունն իր ոճին հավատարիմ, ընտրություններից առաջ գործի է դրել կոմպրոմատների մեխանիզմը: Դեկտեմբերի վերջին, երբ իշխանամետ հեռուստաընկերություններից մեկով ցուցադրվեց Իտալիայում բնակվող մեր հայրենակցի՝ Դոն Պիպոյի մասին պատմող ֆիլմը, որը մի քանի անգամ կրկնվեց նաև հունվարին, տարակույս անգամ չթողեց, որ պետպատվերի շրջանակում նկարված ֆիլմը մեսիջ էր Էջմիածինը ծանր լծի տակ պահող գեներալ Մանվելին:

Ուրբ
20
Jan

ԵԱՀԿ երևանյան գրասենյակը չի փակվի. Կուրց

ԵԱՀԿ-ն գնահատում է Երեւանի գրասենյակի կարեւոր եւ արժեքավոր աշխատանքը, եւ այն փակելու ծրագրեր կամ մտադրություններ չունի: Այս մասին Մեդիամաքսին տված հարցազրույցում հայտարարել է Ավստրիայի արտաքին գործերի նախարար, ԵԱՀԿ Գործող նախագահ Սեբաստիան Կուրցը:

Ուրբ
20
Jan

Նալբանդյանն ու Լավրովը քննարկել են Ղարաբաղյան հիմնախնդրին առնչվող հարցեր

ՀՀ ԱԳ նախարար Էդվարդ Նալբանդյանը նախօրեին Մոսկվայում հանդիպել է Ռուսաստանի Դաշնության արտգործնախարար Սերգեյ Լավրովին:

Հանդիպմանը նախարարները քննարկել են հայ-ռուսաստանյան դաշնակցային փոխհարաբերությունների օրակարգի հարցերի լայն շրջանակ, երկու երկրների ղեկավարների միջև ձեռք բերված պայմանավորվածությունների կատարման ընթացքը։

Էդվարդ Նալբանդյանն ու Սերգեյ Լավրովն անդրադարձել են ՀՀ վարչապետի՝ առաջիկայում Մոսկվա կատարելիք պաշտոնական այցի նախապատրաստական աշխատանքներին։

Ուրբ
20
Jan

ԼՂՀ ՊՆ. Հայ դիրքապահների ուղղությամբ արձակվել է ավելի քան 1050 կրակոց

Հունվարի 19-ին և լույս 20-ի գիշերը ղարաբաղա-ադրբեջանական հակամարտ զորքերի շփման գծի բոլոր հատվածներում հակառակորդը հրաձգային զինատեսակներից, այդ թվում՝ խոշոր տրամաչափի գնդացիրներից, հրադադարի պահպանման ռեժիմը խախտել է շուրջ 70 անգամ, որի ընթացքում հայ դիրքապահների ուղղությամբ արձակել է ավելի քան 1050 կրակոց:

ԼՂՀ ՊՆ-ից տեղեկացնում են, որ գնդացիրներից առավել ինտենսիվ խախտումներ են արձանագրվել հարավարևելյան և արևելյան հատվածներում (ավելի քան 300 կրակոց):

Հնգ
19
Jan

Մարտիրոսյան. «Ժառանգությունը» պայքարում է Օսկանյան-Օհանյան-Ծառուկյան-Հովհաննիսյան դաշինքի կայացման համար

Գագիկ Ծառուկյան, Սեյրան Օհանյան, Վարդան Օսկանյան և Րաֆֆի Հովհաննիսյան դաշինքը, եթե այն ձևավորվի, իրական իշխանափոխության հայտ կարող է ներկայացնել: Այս մասին VERELQ-ի հետ զրույցում ասաց «Ժառանգություն» կուսակցության փոխնախագահ Արմեն Մարտիրոսյանը:

«Եթե Գագիկ Ծառուկյան դաշինքը միավորվի Օհանյան-Օսկանյան միավորման հետ, ապա այդ դեպքում ես տեսնում եմ հաղթանակի հնարավորություն»,- ասաց Մարտիրոսյանը:

Միևնույն ժամանակ նա նշեցմ որ քննարկումները դեռ շարունակվում են և «Ժառանգությունը» պայքարում է, որպեսզի այդ լայն դաշինքը իրականություն դառնա:

Հնգ
19
Jan

Խոսնակ. Վաղ թե ուշ Կնեսետը պետք է ճանաչի Հայոց ցեղասպանությունը

Վաղ թե ուշ Կնեսետը պետք է ճանաչի Հայոց ցեղասպանությունը: Այս մասին ՀՀ ԱԺ արտաքին հարաբերությունների մշտական հանձնաժողովի նախագահ Արտակ Զաքարյանի գլխավորած պատվիրակության հետ հանդիպմանը հայտարարել է Իսրայելի Պետության Կնեսետի խոսնակ Յուլի Էդելշտեյնը: Նա նաև ափսոսանք է հայտնել, որ առ այսօր Հայոց ցեղասպանությունը պաշտոնապես չի ճանաչվել Կնեսետի կողմից, սակայն վերջին շրջանում այդ ուղղությամբ իրականացվել են մի շարք քայլեր:

Հնգ
19
Jan

ԱԳՆ. ՌԴ քաղաքացիներն ամռանը ներքին անձնագրերով կկարողանան այցելել Հայաստան

Գործադիրն այսօրվա նիստում հավանության է արժանացել Ռուսաստանի հետ առանց վիզային ռեժիմի վերաբերյալ համաձայնագրում փոփոխությունները կատարելու մասին առաջարկը:

ՀՀ փոխարտգործնախարար Շավարշ Քոչարյանի խոսքով՝ ՌԴ քաղաքացիները կարող են Հայաստան այցելել ներքին անձնագրերով արդեն ամռանը: Այս որոշումը, նրա խոսքով, ավելի դյուրին կդարձնի ՌԴ քաղաքացիների կողմից փաստաթղթերի ձևակերպման գործընթացը.

«Այն ուղղված է Ռուսաստանից Հայաստան զբոսաշրջության հոսքը մեծացնելուն»,- նշեց Քոչարյանը:

Հնգ
19
Jan

«Գազպրոմ»-ի հետ կնքված պայմանագիրն առևտրային գաղտնիք Է. Քալաձե

Հայաստան գազի տարանցման վերաբերյալ «Գազպրոմ»-ի հետ կնքված պայմանագիրն առևտրային գաղտնիք Է, սակայն եթե հնարավորություն լինի՝ նա կանի ամեն ինչ, որպեսզի այն հրապարակվի: Այս մասին հայտարարել է Վրաստանի փոխվարչապետ, Էներգետիկայի նախարար Կախա Քալաձեն:

Էջեր

Subscribe to RSS - Հայաստան