Սիրիայի նախագահ Բաշար Ասադը հայտարարել է, որ ՌԴ-ի ու Իրանի կողմից ռազմական և քաղաքական աջակցությունը թույլ տվեցին ամրապնդել ժողովրդի ամրությունն ահաբեկիչների դեմ պատերազմում, փոխանցում է Sana-ն: Ասադը վստահություն է հայտնել, որ Սիրիայի և նրա դաշնակիցների հաղթանակը կօգնի ձևավորել նոր աշխարհակարգ. "Սիրիայի հաջողությունները թույլ կտան դիմագրավել Արևմուտքի՝ իր կամքը թելադրելու ջանքերին": Նա հավելել է, որ այդ հաջողությունը թույլ կտա պայքարել արևմտյան նոր գաղութարարության և նրա տարածաշրջանային դաշնակիցների ջանքերի դեմ, որոնք հակասում են Մերձավոր Արևելքի ժողովուրդների իրական շահերին, ովքեր պայքարում են իրենց ինքնիշխանության համար: