Ադրբեջանի ԱԳ նախարար Էլմար Մամեդյարովը հնարավոր է համարում հանդիպումը ՀՀ ԱԳ նախարար Էդվարդ Նալբանդյանի հետ, փոխանցում է Интерфакс-Азербайджан–ը։«Ադրբեջանի, ՀՀ–ի ու ՌԴ–ի ԱԳ նախարարների Մոսկվայում կայացած հանդիպումից հետո ինձ մոտ տպավորություն է ստեղծվել, որ խաղաղությունը հնարավոր է զորքերի դուրս բերման կամ տարածքներ` խաղաղության դիմաց( land for peace) սկզբունքով։ 12 տարվա բանակցությունների տրամաբանությունը հենց դրա մեջ է կայանում»,–նշել է նա։Նա հերթական անգամ կրկնել է, որ «Հայաստանը պետք է դուրս բերի զորքերը Ադրբեջանի օկուպացված տարածքներից»: Ավելի վաղ ՀՀ արտաքին գործերի նախարար Էդվարդ Նալբանդյանը հայտարարել է, որ թեպետ Ադրբեջանը սադրանքների է դիմում, սակայն բանակցություններն այլընտրանք չունեն: Նա հիշեցրել է, որ հունիսին նախատեսվում է ԵԱՀԿ Մինսկի խմբի համանախագահների այցը տարածաշրջան (Ռուսաստանի, Ֆրանսիայի եւ ԱՄՆ-ի): Դրանից հետո, եթե անհրաժեշտ լինի, տեղի կունենա Ադրբեջանի եւ Հայաստանի արտաքին գործերի նախարարների հանդիպումը: «Իհարկե, ադրբեջանցիները շարունակում են զինված սադրանքների դիմել, սակայն բանակցություններն այլընտրանք չունեն, դրանք պետք է շարունակել», - հավելել է Նալբանդյանը: Հայաստանի եւ Ադրբեջանի արտաքին գործերի նախարարերը վերջին անգամ հանդիպել են ապիլի 28-ին Մոսկվայում ՌԴ ԱԳՆ ղեկավար Սերգեյ Լավրովի նախաձեռնությմաբ: Մինչ այդ հայտնի դարձավ, որ նույն օրը առավոտյան 9.30-ի սահմաններում հակառակորդի արձակած կրակոցից զոհվել է ՊԲ զինծառայող, 1998թ. ծնված Մհեր Արզումանյանը: Չորս օր առաջ հակառակորդի արձակած կրակոցից մահացու հրազենային վիրավորում էր ստացել ՊԲ զինծառայող, 1997 թվականին ծնված Նարեկ Հմայակի Հարությունյանը: Այսինքն՝ հանդիպման նախաշեմին հայկական կողմը երկու զոհ ունեցավ: