Վերջին 14 տարվա ընթացքում Թուրքիայի ուղիղ ներդրումներն Ադրբեջանում կազմել են $6.2 մլրդ

Ինֆորմացիոն և կոմունիացիոն ոլորտները, արդյունաբերությունն ու շինարարությունը ամենամեծ հետաքրքրությունն են ներկայացնում թուրք ներդրողների համար Ադրբեջանում։ Այդ մասին Trend–ին հայտնել է Թուրքիայի փոխվարչապետ Նուրետտին Ջանիկլին։

Նա նշել է, որ Թուրքիան բարձր է գնահատում այն նախագծերը, որոնք ուղղված են Հարավային Կովկասի զարգացմանը։

Որպես օրինակ նա բերել է Բաքու–Թբիլիսի–Ջեյհան, Բաքու–Թբիլիսի–Էրզրում, ինչպես նաև TANAP նախագծերը։ Նրա խոսքով, Ադրբեջանում այս պահին գործում է թուրքական կապիտալով մոտ 3.000 ձեռնարկություն, իսկ Թուրքիայում`մոտ երկու հազար ադրբեջանական կապիտալով ընկերություն։

Ջանիկլին հավելել է, որ վերջին 14 տարվա ընթացքում Թուրքիայի ուղիղ ներդրումներն Ադրբեջանում կազմել են 6,2 միլիարդ դոլար։