Իրանը չինական ընկերության հետ երկաթուղու կառուցման մասին համաձայնագիր է ստորագրել, որը Բուշեր նավահանգստը կկապի երկրի երկաթուղային ցանցի հետ: Այդ մասին հաղորդել է Իրանի ճանապարհների եւ քաղաքաշինության նախարարությունը, հաղորդում է «ՌԻԱ Նովոստին»: 700 միլիոն դոլարի համաձայնագիրը նախատեսում 250 կմ երկարությամբ երկաթուղու շինարարություն, որը կապում է Պարսից ծոցի ափերին գտնվող Բուշեր քաղաքը Շիրազի հետ: Փոխնախարար Հեյլարա Հադեմին նշել է, որ Շիրազ-Բուշեր երկաթուղու շինարարությունը երկրի երկաթուղային հաղորդակցության ոլորտում յոթ առաջնահերթ նախագծերից է: Այս նախագծի իրականացման դեպքում Բուշերը Շիրազի հետ կարող է կապվել Կասպից ծովի նավահանգիստների միջոցով, միեւնույն ժամանակ Իրանում կա ճյուղավորված երկաթուղային ցանց, որը Պարսից ծոցի մյուս նավահանգիստները կապում է Կասպից ծովի հետ:
