Վրաստանի վարչապետ Իրակլի Ղարիբաշվիլին՝ Վրաստանի հետ վիզային ռեժիմի չեղարկման մասին ՌԴ նախագահ Վլադիմիր Պուտինի հայտարարությունը ճիշտ ուղղությամբ կատարված քայլ է համարում: «Մենք ծանոթացել ենք ՌԴ նախագահի՝ Վրաստանի քաղաքացիների համար ՌԴ վիզաների չեղարկման մասին այսօրվա հայտարարությանը: Կարծում ենք, որ դա ճիշտ ուղղությամբ արված քայլ է»,-նշել է Վրաստանի վարչապետը, և հիշեցրել, որ Վրաստանի իշխանությունները 2011թ.-ին չեղյալ են համարել վիզաները ռուսաստանցիների համար: «Այս տարի մենք երկարաձգել են Վրաստանում ռուսաստանցիների գտնվելու ժամկետը, քանի որ հետաքրքրված են Ռուսաստանից ժամանող զբոսաշրջիկներով և ցանկանում ենք դյուրացնել մարդկանց միջև կապերը»,-նշել է Ղարիբաշվիլին, փոխանցում է kommersant.ru կայքը: Նրա խոսքով, վիզային ռեժիմի դյուրացմամբ հետաքրքրված են ինչպես գործարարները, այնպես էլ շարքային քաղաքացիները: «Վերջին երեք տարվա ընթացքում մենք որոշակի քայլեր ենք կատարել առևտրի, տրանսպորտի և հումանիտար ոլորտներում: Մենք պատրաստ ենք շարունակել ՌԴ-ի նկատմամբ որդեգրված մեր պրագմատիկ մոտեցումը և նույն քայլերն ենք ակնկալում նաև Մոսկվայից»,-նշել է Վրաստանի վարչապետը: Իր հերթին, Վրաստանի խորհրդարանի արտաքին հարաբերությունների հանձնաժողովի ղեկավար Թեդո Ջափարիձեն հայտարարել է, որ Թբիլիսիում հետաքրքրիր և դրական են համարում ՌԴ նախագահ Վլադիմիր Պուտինի Վրաստանի հետ վիզաների չեղարկման մասին հայտարարությունը: Նա նշել է, որ դա հետաքրքիր հայտարարություն է, քանի որ Վրաստանը ՌԴ-ի համար վաղուց է չեղարկել վիզաները, փոխանցում է Ռիա Նովոստին: