Ադրբեջանը յուրաքանչյուր տարի ավելացնում է ներդրումները Վրաստանում: 2016թ.-ի առաջին կիսամյակում ադրբեջանական ներդրումները Վրաստանում կազմել են 282 միլիոն 500 հազար դոլար: Այդ մասին novosti.ge –ի հայտնել է Վրաստանի փոխարտգործնախարար Գիգի Գիգիաձեն: Նա նշել է, որ 2015թ.-ին Ադրբեջանը Վրաստանում ներդրել է 550 միլիոն դոլար, ինչը 2014թ.-ի համեմատ 61%-ով ավել է: Նրա խոսքով, Վրաստանում ադրբեջանական ամենախոշոր ներդրողը SOCAR ընկերությունն է, որն այս պահին Վրաստանում ունի 114 լցակայաններ, նավթային տերմինալ Կուլևի նավահանգստում, որտեղից նավթամթերք է արտահանվում համաշխարհային շուկաներ: