Թուրքական Hürriyet Daily News թերթի փոխանցմամբ՝ իշխող «Արդարություն ու զարգացում» կուսակցության (ԱԶԿ) ներկայացուցիչ, Գազիանթեփից ընտրված պատգամավոր Շամիլ Թայարը հայտարարել է, թե ՆԱՏՕ-ն «ահաբեկչական կազմակերպություն» է։ Նրա խոսքով՝ ՆԱՏՕ-ն վերածվել է այնպիսի կառույցի, որը «սպառնում է» Թուրքիային. «ՆԱՏՕ-ն ի սկզբանե մշտապես ներգրավված է եղել Թուրքիան թիրախավորող գործողություններում։ ՆԱՏՕ-ին անդամակցելուց հետո Թուրքիան վերածվել է ռազմական հեղաշրջումների առարկայի։ 1960 թվականի ռազմական հեղաշրջումն իրականացվեց Մեծ Բրիտանիայի կողմից, 1971 թվականի հեղաշրջումը՝ ԿՀՎ-ի կողմից, 1980 թվականի հեղաշրջումը՝ ՆԱՏՕ-ի կողմից։ ՆԱՏՕ-ի նոր պլանով՝ չպետք է գոյություն ունենա Էրդողանի հետ Թուրքիա։ ՆԱՏՕ-ն վերածվել է սպառնալիքի և ողջ տարածաշրջանով տարածում է ահաբեկչական խմբերի, ինչպիսիք են ԴԱԻՇ-ը, PKK-ն ու FETÖ-ն»,- ասել է պատգամավորը։
