Սիրիայի բոլոր խնդիրները կարելի է լուծել միայն դաշնայնացման միջոցով: Այդ մասին լրագրողներին է հայտնել Հյուսիսային Սիրիայի քրդական միավորման ներկայացուցիչ Ալի Աբդեսալյամը, հայտնում է ՌԻԱ Նովոստին: «Միայն ժողովրդավարական ճանապարհով, միայն Սիրիայի դաշնայնացման միջոցով հնարավոր կլինի լուծել երկրի ներսում կուտակված հարցերը»,-ասել է նա: Նա նշել է նաև, որ «այժմ Սիրիան փաստացի տրոհված է, ուստի պետք է այնպիսի բանաձև գտնել, որպեսզի Սիրիան մնա միասնական, սակայն յուրաքանչյուրը Սիրիայում զգա, որ ստացել է իր իրավունքները: Միակ ելքը դա Սիրիայի դաշնայնացումն է»,-ասել է քրդերի ներկայացուցիչը: