29.03.2024
Ամրապնդելով բանակցային դիրքերը՝ կվերադարձնենք գերիներին, Շուշին և Հադրութը. Քոչարյան
prev Նախորդ նորություն

Նորություններ գործընկերներից

Հայաստանում ցանկանում են սահմանափակել սահմանամերձ գոտիներում դրոնների օգտագործումը

ԱԱԾ-ն առաջարկում է սահմանափակել սահմանամերձ շրջաններում տեսախցիկների և դրոնների օգտագործման հնարավորությունը։ «Պետական սահմանի մասին» և հարակից օրենքներում համապատասխան փոփոխություններն այսօր՝ ապրիլի 29-ին, պաշտպանության և անվտանգության հարցերի հանձնաժողովի նիստում ներկայացրել է ԱԱԾ փոխտնօրեն Ստեփան Մելքոնյանը:


Ինչպես նշվում է օրինագծի հիմնավորման մեջ, ներկայումս օրենքը չի կարգավորում պետական սահմանի սահմանային գոտում տեսախցիկների եւ դրոնների օգտագործումը: «Սահմանամերձ բնակիչների կամ զբոսաշրջիկների տեսանկարահանումները տեսախցիկների եւ դրոնների միջոցով չեն վրիպում հարեւան պետության սահմանապահների ուշադրությունից, ինչի հետեւանքով բողոքներ են ստացվում», - նշված է հիմնավորումների մեջ: Տեսախցիկների եւ դրոնների օգտագործումը կարող է շատ բացասաբար անդրադառնալ Հայաստանի պետական սահմանի պահպանության վրա, նշված Է փաստաթղթում: Մելքոնյանը մատնանշեց նաև դրոնների օգտագործմամբ մաքսանենգության հաճախակիացած դեպքերը։


Այդ կապակցությամբ նպատակահարմար է որոշակի սահմանափակումներ կիրառել տեսախցիկների, այդ թվում դրոնների օգտագործման վրա, կարծում են ԱԱԾ-ում: Այդ նպատակով առաջարկվել է լրացում կատարել «Պետական սահմանի մասին» օրենքի 221-րդ հոդվածի 1-ին մասով և արգելել սահմանամերձ գոտում տեղակայված բարիկադների ինժեներական կառույցների, ինչպես նաև սահմանապահ զորքերի կողմից օգտագործվող շենքերի, շինությունների, պահարանների և ավտոմեքենաների օգտագործումն առանց համապատասխան թույլտվության:


Օրենքի փոփոխություններով առաջարկվում է հստակեցնել մուտքի կամ կացության կանոնները խախտած անձանց նկատմամբ վարչական միջոցների կիրառման, ինչպես նաեւ սահմանամերձ գոտում բնակության կամ գրանցման հիմքերը: Այս իրավախախտումների համար նախատեսվում է 100 հազար դրամի նախազգուշացում կամ վարչական տուգանք։


Մելքոնյանն ընդգծել է, որ օրինագիծը մշակվել և շրջանառության մեջ է դրվել 2020 թվականի ամռանը՝ մինչև Արցախի դեմ Ադրբեջանի ռազմական ագրեսիան: Նա հավելել է, որ այս օրինագիծը ոչ մի կապ չունի 2021 թվականի փետրվարին Սյունիքի մարզում ԶԼՄ-ների աշխատանքի սահմանափակման հետ: Մելքոնյանը նաև հավելել է, որ նշված փոփոխությունների դրույթները կտարածվեն բացառապես սահմանային շերտի վրա: «Սյունիքում 520 կիլոմետրանոց հատվածում այդ դրույթները կտարածվեն միայն այն ժամանակ, երբ հստակեցվի սահմանը», - հայտարարեց ԱԱԾ փոխտնօրենը:

ՀՀ և Ադրբեջանի ԱԱԾ ղեկավարները գերիների հարցով պարբերաբար հանդիպում են ու շփվում հեռախոսով
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար