Ամրապնդելով բանակցային դիրքերը՝ կվերադարձնենք գերիներին, Շուշին և Հադրութը. Քոչարյան

Հայաստանում առկա բոլոր խնդիրների հիմքում ընկած է կառավարման ճգնաժամը: Այս մասին, ինչպես հայտնում է ՀՀ երկրորդ նախագահի մամուլի գրասենյակը, աջակիցների հետ հանդիպմանը հայտարարել է Ռոբերտ Քոչարյանը:

Նրա խոսքով, վատ է կառավարվել տնտեսությունը, ինչի արդյունքում ունենք տնտեսական անկում, պատերազմի ապաշնորհ կառավարման հետևանքով մենք ունենք պարտություն, զոհեր ու բազմաթիվ գերիներ.

"Նրանց հետ վերադարձնելու անկարողությունը նույնպես կառավարման հմտություններից զուրկ պետական իշխանության մասին է խոսում",- ասել է նախկին նախագահը։

Պետական կառավարման ճգնաժամի վերացմամբ, համոզված է Քոչարյանը, հնարավոր է հզորացնել Հայաստանը.

"Ամրապնդելով մեր բանակցային դիրքերը՝ հնարավոր է վերադարձնել գերիներին, Շուշին ու Հադրութը, դառնալ տարածաշրջանի ամենաուժեղ պետությունը",- հայտարարել է նա։