Վարչապետն ԱԺ ամբիոնից շնորհավորել է եզդիական համայնքի Նոր տարին

Խորհրդարանը ձեռնամուխ է եղել 2020 թվականի կառավարության ծրագրի կատարման ընթացքի և արդյունքների մասին հաշվետվության քննարկմանը: Հաշվետվությունը ներկայացնում է ՀՀ վարչապետ Նիկոլ Փաշինյանը:

Մոտենալով ամբիոնին՝ վարչապետը շնորհավորել է Հայաստանի եզդիական համայնքին եզդիական Նոր տարվա կապակցությամբ։ «Այսօր եզդիական Նոր տարին է, և ես կցանկանայի շնորհավորել մեր եզդի եղբայրներին ու քույրերին այս տոնի առթիվ և շնորհակալություն հայտնել նրանց մեր հայրենիքի կայացման ու զարգացման գործում ներդրած ջանքերի և ներդրած ավանդի համար: Շնորհավոր!», - հայտարարել է նա: