Կորոնավիրուսով վարակվածների թիվը Հայաստանում աճել է 35-ով՝ հասնելով 407-ի. Փաշինյան

461

Հայաստանի վարչապետ Նիկոլ Փաշինյանը հայտնեց, որ այսօր նոր տիպի կորոնավիրուս է ախտորոշվել 35 մարդկանց մոտ: Նման հայտարարությամբ նա հանդես եկավ այսօր երեկոյան ֆեյսբուքյան իր ուղիղ եթերում՝ կոչ անելով քաղաքացիներին խստորեն հետևել արտակարգ դրության պարետի բոլոր ցուցումներին:


«Ցավոք, շարունակում է ավելանալ կորոնավիրուսով ախտորոշվածների քանակը: Այսօր կորոնավիրուս է ախտորոշվել 35 մարդկանց մոտ: Իրավիճակը համարվում է կառավարելի: Ցանկանում եմ խնդրել բոլորիդ խստորեն հետևել արտակարգ դրության պարետի բոլոր ցուցումներին, որպեսզի ծանրաբեռնվածությունն առողջապահական համակարգի վրա շատ մեծ չլինի», - ասաց Փաշինյանը՝ հավելելով, որ խիստ կարանտինի մեկ շաբաթը պետք է հնարավորինս «սահամանփակենք մեր շփումները հիվանդացությունների թիվը կրճատելու համար»:


Նա նաև կոչ արեց աշխարհի պետություններին համախմբել ջանքերը կորոնովիրուսի տարածման դեմ պայքարում:


Մարտի 28-ի երեկոյան դրությամբ Հայաստանում կորոնավիրուսի հաստատված դեպքերի ընդհանուր քանակը կազմել է 407, որից 30-ը՝ առողջացած: Եղել է մեկ մահվան դեպք: 


Հայաստանում մարտի 14-ից 30 օրով հայտարարվել է արտակարգ դրություն:



 


 

Տպել

Թեմայի այլ նորություններ
Загрузка...