29.03.2024
Նախագահն ու ՄԻ պաշտպանը քննարկել են Սահմանադրության առաջարկվող փոփոխությունները
prev Նախորդ նորություն

Նորություններ գործընկերներից

ԽՍՀՄ խնայբանկում ներդրված ավանդների փոխհատուցում կստանան մինչև 1937թ. ծնվածները

ԽՍՀՄ խնայբանկի ՀԽՍՀ հանրապետական բանկում մինչև 1993 թ.-ի հունիսի 10-ը ներդրված դրամական ավանդների դիմաց փոխհատուցում ստանալու իրավունք կվերապահվի մինչև 1936 թ.-ի դեկտեմբերի 31-ը ծնված անձանց: Այս մասին որոշումն ընդունվել է ՀՀ կառավարության նիստում:

ՀՀ աշխատանքի և սոցիալական հարցերի նախարարության կողմից ներկայացված նախագծով սահմանվում է, որ նախկին ԽՍՀՄ Խնայբանկում մինչև 1993 թ.-ի հունիսի 10-ը ներդրված դրամական ավանդների դիմաց փոխհատուցման իրավունք կվերապահվի նաև Հայաստանի Հանրապետության պաշտպանության մարտական գործողությունների մասնակից կամ  մարտական  գործողությունների  հետևանքով  չօգտագործվող  և  հակառակորդի կողմից հողատարածքների գնդակոծման  դեպքեր ունեցող` ՀՀ սահմանամերձ համայնքներում բնակչության պետական ռեգիստրում 2014 թ.ի օգոստոսի 1-ի դրությամբ հաշվառված, ինչպես նաև՝ այդ համայնքներից զորակոչված՝ 2014 թ.-ի օգոստոսի 1-ի դրությամբ պարտադիր ժամկետային զինվորական ծառայության մեջ գտնված անձանց:

«Նախորդ կարգավորման համաձայն՝ ԽՍՀՄ խնայբանկում ներդրված միջոցների փոխհատուցում կարող էին ստանալ ՀՀ  պաշտպանության  մարտական  գործողությունների  մասնակից  կամ  մարտական գործողությունների հետևանքով չօգտագործվող և հակառակորդի կողմից  հողատարածքների գնդակոծման դեպքեր ունեցող` ՀՀ սահմանամերձ համայնքներում 2014 թ.-ի օգոստոսի 1-ի դրությամբ հաշվառված անձինք, սակայն «Հայաստանի Հանրապետությունում բնակչության պետական ռեգիստրի համակարգ ներդնելու մասին» ՀՀ կառավարության N 1231-Ն որոշման համաձայն՝ բնակչության պետական ռեգիստրում անձի մշտական բնակության վայրի հասցեն փոխվում է՝ զինծառայության զորակոչվելիս:


Այսինքն՝ ստացվում էր, որ զինվորական ծառայության զորակոչվելու պատճառով հաշվառումից դուրս գալու և դրա հետևանքով 2014 թ.-ի օգոստոսի 1-ի դրությամբ սահմանամերձ համայնքներում հաշվառված չլինելու պատճառով անձինք սահմանփակվում են ավանդների դիմաց  փոխհատուցում ստանալու անհրաժեշտությունը բացատրել է նախարար Զարուհի Բաթոյանը:

Նշենք, որ 2020 թ.-ին ավանդների ճանաչման և վճարման գործընթացների բնականոն ընթացքի ապահովման համար հատկացվել է 1.2 մլրդ դրամ:

Հայկական շուկայից «Տարոմ» ավիաընկերության դուրս գալը պայմանավորված չէ Հայաստանով. Ռևազյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար