Վարչապետը Վալերի Օսիպյանին աշխատանքից ազատելու առաջարկ է ներկայացրել ՀՀ նախագահին

ՀՀ վարչապետ Նիկոլ Փաշինյանը ՀՀ ոստիկանապետ Վալերի Օսիպյանին աշխատանքից ազատելու առաջարկ է ներկայացրել ՀՀ նախագահ Արմեն Սարգսյանին։

Այս մասին հայտնում է նախագահի օգնական Հասմիկ Պետրոսյանը։ Օսիպյանի ազատման մասին նախագահի հրամանագիրը դեռեւս չի հրապարակվել:

Նախագահն, ամենայն հավանականությամբ, այսօր կստորագրի առաջարկը։

Հիշեցնենք, երեկ առավոտից մամուլում հրապարակումներ էին տարածվում Օսիպյանին աշխատանքից ազատելու մասին, սակայն լուրը պաշտոնապես չէր հաստատվում։

Ավելի վաղ Փաշինյանը նաեւ հայտարարել էր, որ ստորագրել է ԱԱԾ տնօրեն Արթուր Վանեցյանին աշխատանքից ազատելու մասին միջնորդագիրը։