«Գազպրոմ Արմենիա»-ն վաճառում է «Տրանսգազ» ընկերության գույքը. կառավարությունը դեմ չէ

53

«Գազպրոմ Արմենիա» ՓԲԸ «Տրանսգազ» ՍՊ ընկերությունը  2019թ. հուլիսի 23-ին գրությամբ դիմել է ՀՀ Հանրային ծառայությունները կարգավորող հանձնաժողով՝ խնդրելով համաձայնություն տալ սեփականության իրավունքով ընկերությանը  պատկանող ՀՀ Կոտայքի մարզի Աբովյան քաղաքի 2-րդ արդյունաբերական թաղամասում գտնվող №6/2/1 պոմպակայան հասցեում գտնվող գույքային համալիրի (հոր՝ 134,6 քառ.մ, հոր՝ 134,6 քառ.մ, հոր՝ 30,3 քառ.մ, պոմպակայան՝ 68,4 քառ.մ., պարիսպ՝ 87,47 քառ.մ, 192,94 խմ և հողամաս՝ 0,6 հա) աճուրդի արդյունքներով «ԱՐՄԵՆԻԱՆ ՏՈԲԱԿՈ ՔՈՄՓԱՆԻ» ՍՊ ընկերության հետ առուվաճառքի պայմանագիր կնքելուն:


Հարցն ընդգրկված է ՀԾԿՀ սեպտեմբերի 11-ի նիստի օրակարգում:


Հանձնաժողովը, ղեկավարվելով «Էներգետիկայի մասին» օրենքի 27-րդ հոդվածի 3-րդ կետով,  2019 թվականի օգոստոսի 7-ին գրությամբ դիմել է Հայաստանի Հանրապետության վարչապետի աշխատակազմ՝ գործարքի վերաբերյալ կառավարության դիրքորոշումն ստանալու նպատակով: Պարզվել է, որ կառավարությունը, այդ թվում և Ազգային անվտանգության ծառայությունը գործարքի մասով առարկություններ չունեն: Ըստ հիմնավորման, գործարքին համաձայնություն տալը չի խախտում էներգետիկ համակարգի հուսալիությունը, անվտանգությունը և ներքին շուկայի սպառողների շահերը, չի սպառնում ազգային անվտանգությանը և պետական շահերին:


Ըստ այդմ, հանձնաժողովը որոշել է համաձայնություն տալ ընկերությանը պատկանող գույքն աճուրդի արդյունքներով «ԱՐՄԵՆԻԱՆ ՏՈԲԱԿՈ ՔՈՄՓԱՆԻ» ՍՊԸ-ին վաճառելուն։ Գործարքի կնքման ժամկետը չի
կարող գերազանցել սույն որոշումն ուժի մեջ մտնելու պահից վեց ամիսը։

Տպել

Թեմայի այլ նորություններ
Загрузка...