Թուրքիայի նախագահը ռազմական գործողություններ սկսելով Սիրիայի քրդերի դեմ «բացել» է մեղվի փեթակը: Այդ մասին հայտարարել է իրանցի փորձագետ Բահրամ Ամիրահմադիանը: Նա նշել է, որ այս պայմաններում քրդերի և Սիրիայի կենտրոնական իշխանություների միջև համագործակցության հավանականությունը մեծանում է, որպեսզի կարողանան պատասխանել Թուրքիայի գործողություններին: Ըստ նրա, Թուրքիան կարծում է, որ սիրիացի քրդերին Սիրիայում ինքնավարության տրամադրումը կարող է ազդել նաև Թուրքիայում բնակվող քրդերի վրա:
