Թուրքիայի Ադանա նահանգում ոստիկանական ավտոբուսի վրա հարձակման ժամանակ վիրավորվել է մի քանի մարդ: Այս մասին հայտնում է Անոդոլու գործակալությունը: Արտակարգ դեպքը տեղի է ունեցել Յուրեգիր շրջանում: Պայթուցիկ սարքը գործարկվել է ոստիկանական ավտոբուսի անցնելու ժամանակ: Պայթյունի ալիքը հարվածել է նաեւ կողքի ավտոմեքենային: Թուրքական լրատվամիջոցների հաղորդմամբ՝ տուժածների թիվը չի հստակեցվում, սակայն նշվում է, որ ստացած վնասվածքները նրանց կյանքին վտանգ չեն սպառնում:
