Թուրքիայի արտաքին գործերի նախարար Մևլութ Չավուշօղլուն հայտարարել է, որ Սիրիայի հյուսիսում՝ Եփրատից արևելք ընկած հատվածում ստեղծվելիք անվտանգության գոտու հարցում Թուրքիայի ծրագիրը պատրաստ է: Չավուշօղլուի խոսքով՝ ԱՄՆ-ն այս գործընթացը շեղելու փորձեր է անում և եթե իրենց համագործակցությունն արդյունք չտա, ապա Թուրքիան մուտք կգործի այդ տարածք: Չավուշօղլուն հիշեցրել է, որ Մանբիջում, որտեղից ԱՄՆ-ն պետք է դուրս բերեր Սիրիայի քրդական ուժերին, Վաշինգտոնը չի կատարել Անկարային տված խոստումը, հետևաբար Թուրքիան չի ցանկանում անվտանգության գոտու հարցում կրկնել Մանբիջի պատմությունը: